05 июн 08:24medeniyyet / gundem

Əbülfəs Qarayev həbsə gedir, yoxsa vəzifəyə?.. - GƏLİŞMƏ

Əbülfəs Qarayev həbsə gedir, yoxsa vəzifəyə?.. - GƏLİŞMƏ

Dövlət Təhlükəsizliyi Xidmətinin (DTX) Mədəniyyət Nazirliyində keçirdiyi əməliyyatdan sonra işdən çıxarılan Əbülfəs Qarayevlə bağlı ziddiyyətli məlumatlar bir-birini əvəzləyir. Onunla bağlı yayılan məlumatlarda sabiq nazirin istintaqa cəlb olunduğu, iş üzrə şahid qismində dindirildiyi, yaxın vaxtlarda onun da müavini Rafiq Bayramov və Mədəniyyət Nazirliyi yanında Mədəni İrsin Qorunm ası, İnkişafı və Bərpası üzrə Dövlət Xidmətinin rəisi Zakir Sultanov kimi həbs olunacağı iddia olunur.

Ə.Qarayev vəzifəsindən çıxarılandan sonra onun MDB və ya Avropa ölkələrindən birinə səfir göndərilə biləcəyi ehtimalı da var. Azərbaycanda “vurulmuş” kadrların səfir göndərilməsi praktikasını yada salanda bu xəbərlər bir az inandırıcı görünür. Amma onun “qara pulları”nın izinin Panama, Malta, Litva və Rusiyada üzə çıxması barədə yayılmış materiallar Qarayevin işinin yaxşı olmadığını təsdiq edir.

Ə.Qarayevin bir neçə ölkəyə, o cümlədən offşor adalara səpələnmiş çoxsaylı şirkətləri barədə sənədləri araşdırmaçı jurnalist Cavanşir Həsənli yayıb. Belə məlum olur ki, Ə.Qarayevin ailə şirkətləri Azərbaycanla yanaşı, Rusiya, Litva, Panama və Maltanı da əhatə edir.

Əslində DTX-nın Mədəniyyət Nazirliyində aşkarladığı bəzi korrupsiya faktları Qarayevin mədəniyyət pullarını necə taladığı haqda müəyyən təəssürat yaradırdı. İndi isə məlum olur ki, o, Azərbaycandan çıxardığı pullarla xarici ölkələrdə daşınmaz əmlak və digər aktivlər alıb. Belə ki, keçmiş nazirin yeganə övladı - qızı Suad Qarayeva hələ 2002-ci ildən ad və soyadının baş hərflərini özündə ehtiva edən “SQ-FUTURE” MMC-nin təsisçisidir. Bakı şəhəri, Səbayel rayonu, Müslüm Maqomayev küçəsi, ev 22-də hüquqi qeydiyyatda olan şirkətin qanuni təmsilçisi Ülviyyə Məcidovadır. Həmin ünvanda 2006-cı ilin martında Ə.Qarayevin həyat yoldaşı Lalə Tofiq qızı Kazımovanın təsisçiliyi ilə Mədəniyyət Nazirliyi tərəfindən maliyyələşdirilən “Yol+İlk elmi-populyar dərgi redaksiyası” MMC qeydə alınıb. O, “Jazz Dostları” ictimai birliyinin də təsisçisidir. Lalə Kazımova 2010-cu ilin dekabrında Türkiyədə ad və soyadının abbreviaturasını ifadə edən “KL Bodrum Emlak Ticaret ve Sanayi Limited Şirketi”ni təsis edib. Şirkət İstanbul Ticaret Sicili Memurluğunda 5000 TL nizamnamə kapitalı ilə qeydiyyatdan keçib.

Nizamnaməyə görə, Qarayevlərin ailə şirkəti Türkiyədə və ölkə xaricində turizm obyektləri, hotel, yaşayış binaları, villa və idman təsisatlarına sahib olmaq, işlətmək hüququ əldə edib. Qarayevlərin Türkiyədəki turizm təsisatları barədə məlumat olmasa da, keçmiş nazirin xanımının sosial şəbəkələrdəki hesabında Bodrumdakı 5 ulduzlu “Kuum” hotelinin simvolunu (qoşaqanadlı mələk) profil şəkli seçməsi maraq doğurur. Lalə Kazımovanın adına Litvada da şirkət qeydiyyata alınıb. “Triat Exire” UAB (LTD, qeydiyyat nömrəsi 302521161) 10 ilə yaxındır ki, Litvanın daşınmaz əmlak bazarında fəaliyyət göstərir. Vilnüsdə Şaltinıy 22-də Qarayevlər ailəsinə məxsus çoxsaylı daşınmaz əmlak icarəsindən gəlir 35 min dollardan artıqdır. Ə.Qarayevin qızı Suad Qarayevanın təsisçisi olduğu daha bir daşınmaz əmlak şirkəti 2013-cü ildə Rusiya paytaxtında qeydiyyatdan keçib. “Qals” MMC (QALS OOO) 20 min rubl nizamnamə kapitalı ilə Moskvanın Tatarskaya küçəsi 7 ünvanında hüquqi qeydiyyata alınıb. Baş direktoru Fərid Oqtay oğlu Cəfərovdur. Şirkətin adı Qarayevlər ailəsinin soyad və adlarının abbreviaturasından götürülüb: Qarayev, Abulfas, Lalə və Suad. Şirkət üzərindən Qarayevlər ailəsi Moskvada icarəyə verilmiş çoxsaylı mənzillərə, ticarət obyektlərinə sahibdir.

Rusiya Federal Vergi Xidmətində QALS MMC-yə aid məlumatlarda qeyd olunur ki, şirkət 2018-ci ildə daşınmaz əmlak biznesindən 6.7 milyon rubl (təxminən100 min dollar) gəlir əldə edib, federal büdcəyə 430 min rubl vergi ödəyib. Qarayevlər ailəsinin GALS adı ilə daha bir neçə şifkəti isə Azərbaycandadır. “GALS Gallery” MMC 2013-cü il aprelin 19-da qeydiyyatdan keçib. Qanuni təmsilçisi Əbülfəs Qarayevin həyat yoldaşının rəfiqəsi Vəzirova Liana Leonidovnadır. O, Mədəniyyət Nazirliyi nəzdindəki Muzey Mərkəzi binasının inzibati və təsərrüfat müdiriyyətinin direktorudur. Muzey Mərkəzi “Rus muzeyi” də adlanır. Fəaliyyəti elektron-rəqəmsal və çap materialları əsasında rus mədəniyyətini öyrənmək və təbliğ etməkdir. Muzey Mərkəzinin direktorunun adına rəsmiləşdirilmiş şirkət Bakı şəhəri, Səbayel rayonu, Y.Məmmədəliyev küçəsi, ev 14 ünvanında qeydiyyatdadır. Həmin ünvanda keçmiş nazirin xanımına məxsus “Gals Beauty and SPA” MMC isə 2013-cü il mayın 3-də qeydiyyatdan Araz Nağıbəyli Əli oğlunun qanuni təmsilçiliyi ilə qeydiyyata alınıb. Lalə Kazımova bu şirkətə bağlı, Bakının mərkəzindəki “NailRoom” (Rəşid Behbudov küçəsi 53c və 31c) gözəllik salonlarına da sahibdir. Ə.Qarayevin özü isə “otkat”lardan aldığı payını daha uzaqlara yatırmağa üstünlük verib. Onun və Milli Məclisin deputatı Hüseynbala Mirələmovun şərik olduğu RİMBA SA. offşor şirkəti 2004-cü ilin fevralında Panamada qeydiyyata alınıb. Adı “sivilizasiyadan, mədəniyyətdən uzaq, cəngəllik” anlamına gələn şirkətin 2005-ci ildə Azərbaycanda qeydiyyatdan keçmiş nümayəndəliyi isə bu yaxınlarda ləğv edilib. 2015-ci ildə Əbülfəs Qarayevin qızı Suad Qarayeva - Maleki ilə ailə quran İran əsilli Britaniya vətəndaşı Şəhriyar Maleki də bu izdivacdan sonra Azərbaycanda iri biznesə sahib olub. O, 2016-cı ildən Bakıda “COLAB” biznes mərkəzlərinin şərikidir.

Paytaxtda iki ünvanda - Neftçilər pr. 151-də PORT BAKU MALL-da və “Time” Business Mərkəzində hər biri 1000 kvadratmetrlik iki böyük iş mərkəzlərində ofislər, seminar və konfrans salonları icarədədir. Keçmiş nazirin kürəkəni 2016-cı ilin noyabrında Azərbaycanda “Green Farms Azerbaijan” MMC şirkətini də qeydiyyatdan keçirib. Şirkətə aid saytda qeyd olunur ki, o, “Green Farms International” şirkətinin Azərbaycan üzrə nümayəndəliyidir. Ə.Qarayevin nazir kimi nüfuzu sayəsində “Green Farms Azerbaijan” MMC 2017-ci ilin mayında Biləsuvar İcra Hakimiyyətindən 5 min hektar torpaq sahəsini olduqca aşağı qiymətə 49 illik icarəyə götürüb. https://www.greenfarms.az/ Həmin ərazi Qarayevlərin və qohumlarının nəzarətinə keçənə qədər qışlaq sahəsi olub və yerli əhali tərəfindən təyinatı üzrə istifadə edilib. Ə.Qarayev 2017-ci ildə Nazirlər Kabinetinin sərəncamı ilə bu ərazinin əkin sahəsi kimi istifadə olunmasına və qudasının Maltadakı şirkətinin nəzarətinə verilməsinə nail olub. İcarə müqaviləsinə imza atan keçmiş icra başçısı, Ə.Qarayevin yaxın dostu Mahir Quliyev aprelin 29-da DTX tərəfindən saxlanılıb. Biləsuvarda böyük torpaq sahələrini ələ keçirən “Green Farms İnternational LTD” 2016-cı ilin oktyabrında Maltada qeydiyyatdan keçib.

Maltadakı şirkətin təsisçisi isə Ə. Qarayevin Avstriya və Monako vətəndaşı olan qihumu İsgəndər Malekidir. O, 2016-cı ilin iyunundan Maltada daha bir şirkətin A&S Limited-in səhmdarıdır. Şirkətin digər səhmdarı qismində Adinotec LTD offşor şirkəti çıxış edir. İsgəndər Maleki vaxtilə İngiltərənin ən nüfuzlu iş adamlarından olub. Onun xanımı Fatimə Maleki və Şəhriyar Maleki 1991-2009-cu illərdə Britaniyada çoxsaylı maliyyə şirkətlərinə rəhbərlik edib, neft treyderi kimi tanınıb, sonrakı illərdə biznesində durğunluq yaranıb.

Malekilər ailəsi dünyanın ən bahalı tarixi incəsənət nümunələrinin kolleksiyaçıları kimi də məşhurlaşıblar. Onlar Londonda Ə.Qarayevin qızının çalışdığı və tarixi əsərlərin hərrac yolu ilə satışa çıxarıldığı Sothebys incəsənət auksionunun daimi müştəriləridir. Güman ki, Qarayevlərin Malekilərlə qohumluğu da buradan başlayır. Ümumiyyətlə, Sotheby’s hərracında Azərbaycana aid tarixi mədəniyyət əsərlərinin satışa çıxarılıb-çıxarılmadığının çox ciddi araşdırmaya ehtiyacı var.
“Yeni Müsavat”
SON XƏBƏRLƏR
Prezident sərəncam imzaladı - 8,5 milyon manat ayrıldı 11:45Təhsil nazirliyində BAZAR QAYDALARI... - İTTİHAM 11:16Səfər Mehdiyev üçün ÇƏTİN MƏRHƏLƏ... - Gömrükdə çalxalanma gözlənilir 10:48Azərbaycanda çəkdiyi yolları Türkiyədə yaparsa,”Polat Yol Yapı”-nın aqibəti necə olar? - İTTİHAM 09:46Konstitusiyası “salfetka”, özü bonkrot: erməni dövləti belə sökülür - GƏLİŞMƏ 09:32İlham Əliyev BMT-nin Baş katibinə zəng etdi 08:59Kafedra müdiri koronavirusdan vəfat etdi 10:14“Optimal Electronics”köhnə telefonları təzə adına müştərilərə “sırıyır” - GİLEY 09:45Cahangir Əsgərovun milyonluq mülkü: - 500-ə yaxın Hələb keçisi saxlayır 09:06"Üç dəqiqəyə geri gəlib ki, xəstə öldü" - “EGE Hospital”la bağlı ŞOK AÇIQLAMA 08:46Koronavirusun daha iki müxtəlif ştammı müəyyən olundu 08:29İlham Əliyev və Mehriban Əliyeva Bakıda modul tipli hospitalın açılışında - FOTO 13:27 Evdəki xəstələrə pullu xidmət - Qapıdan şəfa girir, yoxsa virus? 13:06Əhmədli sakinlərinin rahatlığı pozulub - FOTO + VİDEO 12:38Beyəqanda 10 manat kapitalla milyon qazanmağın yolu: - “Veteks-2017” MMC- nin fəaliyyəti araşdırılarsa… 11:59"Belə haqsızlıq olmaz..." - GİLEY 11:24Təhsil ocaqlarında rüşvət pandemiyası yayılıb - İTTİHAM 10:52Əhmədzadənin kadrları belə "işləyir"... - VİDEO 10:31Neftçalanın min dərdi var idi, biri də üstünə gəlib - Qaragünlü neft rayonu 09:58Çayxana qədər olmayan təhsilin çətin günü! - Bunun fəsadı ağır olacaq 08:57Əhəd Abıyev koronavirusa yoluxub? - Açıqlaması QALMAQAL YARATDI 08:35AZAL-ın 300 dollarlıq "təxliyyə" oyunu - Diaspor sədrindən etiraz 11:38Samuxlu fermerlər məmurların əlindən dad deyir – “Batırıq…” 11:17Eldar-Oqtay tandemi zərərsizləşdirilmiş kimi görünür, amma... - dövlətə, proseslərə təsir imkanları qalmaqdadır... 10:30DTX-nin XİN-də saxladığı şəxsin səsyazısı yayıldı - AUDİO 09:46Əli Həsənov başına topladığı "media kapitanları" ilə özünə böyük imperiya yaratmışdı - ƏTRAFLI 09:17Həbib Nurməhəmmədovun atası Dağıstanda torpağa tapşırıldı 09:13Həbib Nurməhəmmədovun atası vəfat etdi 15:06Elmar Məmmədyarovun yaxın adamı tutuldu - o nazir təyin olunandan bərabər çalışırlar... 14:42Rayon qeydiyyatı olub Bakıda işləyənlərin NƏZƏRİNƏ: "İcazə verilməyəcək" - RƏSMİ AÇIQLAMA 14:15Daxili turizm də böhranda: xilas yolu nədir? - ARAŞDIRMA 13:18DTX Xarici İşlər Nazirliyində əməliyyat keçirir - RƏSMİ 12:32Gəncə icra şöbəsi vətəndaşı aldatmağa davam edir - GİLEY 12:21Məmurlar varidatlarını açıqlamağa risk edəcəklərmi – GÜNÜN SUALI 10:59Bakı sakinlərinə küçəyə çıxmamaqla bağlı XƏBƏRDARLIQ 10:43İşçisindən nazirə şikayət olundu - GİLEY 10:00Astara Pedaqoji Kollecində “pandemiya imtahanları” - İTTİHAM 09:31Qanlarının arasına pandemiya girmiş olsa da... - Dəyişiklik mütləqdir... 09:04Bu gün Leyla Əliyevanın doğum günüdür 08:22Prezident cərimələri təsdiqlədi – SƏRƏNCAM 12:42Türkiyə Rusiyadan aldığı “S-400”-ü ABŞ-a sata bilər? – POLİTOLOQLARDAN AÇIQLAMA 12:20"Adıma 5 milyonluq saxta kredit müqaviləsi rəsmiləşdirib..." - İTTİHAM 11:37"Global Enerji" kütləvi ixtisara hazırlaşır... - Pandemiya yeni işsiz ordusu yaradacaq... 10:48Hacıqabulda məmur özbaşnalığı - Vətəndaş intihar həddində... 10:21İlham Əliyevdən Azərbaycan Polis Günü ilə bağlı paylaşım - FOTO 10:03Mehriban Əliyeva polisləri təbrik etdi: “Çətin günlərdə atdığınız qətiyyətli addımların və peşəkarlığınızın şahidiyik” 09:20Azərbaycanda bu gün Polis Günü qeyd olunur 09:03Azərbaycanda kredit borcları dondurula bilər - MÜJDƏ 12:52Türkiyədə oxuyan azərbaycanlı tələbələrlə bağlı NARAHATLIQ: - Virusa yoluxanlar necə müalicə alır? 12:16Kollec direktorunun təsərrüfat işi alınmadı və... - İDDİA 11:46Qardaşı narkotiklə tutulan başçı müavini vəzifədən azad edilib? - AÇIQLAMA 10:37«Brand Credit» İFLAS ASTANASINDA: Göstəricilərini gizlədir... - Rəqəmlər... 10:18Azərbaycanda siqaret bahalaşdı 09:54Əbülfəs Qarayevi üçün HƏBS QƏRARI... - AZ QALIB... 09:14Başçı ilə vətəndaş arasında qalmaqal... - Gədəbəydə... 08:53Bu da Arzu Rəhimovun yeyintisi... - İTTİHAM 08:37Azərbaycanda benzin bahalaşdı – SON DƏQİQƏ 08:16